یوکرین کے جنرل اسٹاف نے اعلان کیا کہ 24 فروری سے جاری جنگ میں جانیں گنوانے والے روسی فوجیوں کی تعداد 25 ہزار سے تجاوز کر گئی ہے۔
یوکرین کے جنرل اسٹاف کی جانب سے 24 فروری سے 7 مئی کے درمیان روسی فوج کے نقصانات کے حوالے سے دیے گئے بیان میں بتایا گیا ہے کہ روسی فوج کو گزشتہ 24 گھنٹوں کے دوران مزید 200 فوجیوں کا نقصان پہنچا ہے۔
بیان میں کہا گیا ہے کہ روسی فوج نے مجموعی طور پر 25 ہزار 100 فوجیوں کو کھو دیا، اور 199 طیارے، 155 ہیلی کاپٹر، 1122 ٹینک، 2 ہزار 713 بکتر بند گاڑیاں، 509 توپ خانے، 172 راکٹ لانچ سسٹم اور 84 فضائی دفاعی نظام تباہ ہوئے ہیں۔
بیان میں کہا گیا کہ روسی افواج نے 1934 گاڑیاں، 11 بحری جہاز، ہلکی اسپیڈ بوٹس اور 341 بغیر پائلٹ کے فضائی گاڑیاں کھو دیں، اور روسیوں کی جانب سے داغے گئے 90 کروز میزائلوں کو بھی یوکرین کے فضائی دفاعی یونٹس نے مار گرایا ہے۔
25 مارچ کو روسی وزارت دفاع کی طرف سے جاری کردہ ایک بیان میں اعلان کیا گیا تھا کہ یوکرین میں 1,351 روسی فوجی ہلاک ہوئے ہیں۔