صدارتی شعبہ اطلاعات کے ڈائریکٹر فخرالدین التون کا کہنا ہے کہ ترکی اپنے خطے میں غیر معمولی پیش رفت بالخصوص شام کے بحران کے خلاف ایک فعال، استحکام اور نظم و ضبط کا کردار ادا کر رہا ہے۔
اپنے سوشل میڈیا اکاؤنٹ پر اپنی پوسٹ میں التون نے کہا کہ ترکی اپنی حفاظت کو یقینی بنانے کو بالائے طاق رکھتے ہوئے ایک حقیقت پسندانہ اور انسانی امیگریشن پالیسی پر عمل پیرا ہے، اس سلسلے میں صدر رجب طیب ایردوان کی قیادت میں دہشت گردی کے خاتمے کی حکمت عملی پر عمل کیا گیا ہے اور اس کے دائرہ کار میں سرحد پار متعدد کامیاب آپریشن کیے گئے ہیں۔
ان کا کہنا ہے کہ "ترکی نے یہ کارروائیاں دہشت گرد تنظیموں اور ان کے سرغنوں سے لڑنے اور ہماری سرحدوں سے باہر امن راہداری قائم کرنے کے لیے کی ہیں۔ اب تک 5 لاکھ شامی مہاجرین سرحد پار سے دہشت گردوں سے بازیاب کیے گئے علاقوں کو واپس جا چکے ہیں۔
مشیر ِ اطلاعات نے مزید بتایا ہے کہ "ہمارے معزز صدر کی قیادت میں، ہمارے تمام متعلقہ ادارے، خاص طور پر ہماری وزارت داخلہ اور وزارت قومی دفاع، ہماری سرحدوں کے اندر اور باہر نقل مکانی کے معاملے پر کڑی نظر رکھتے ہیں اور کبھی بھی کسی قسم کی بے ضابطگی کی اجازت نہیں دیتے۔ جمہوریہ ترکی بڑا اور طاقتور ملک ہے۔ "
جب کہ ہم سب سے پہلے اپنے شہریوں کی حفاظت اور بہبود میں اضافہ کریں گے، ہم اپنی علاقائی طاقت کی پوزیشن کو بھی مستحکم کریں گے اور عالمی اداکار بننے کی جانب مضبوط قدم اٹھائیں گے۔”