امریکی وزیر خارجہ انتھونی بلنکن نے پاکستانی ہم منصب بلاول بھٹو زرداری کو ٹیلی فون پر وزارت سنبھالنے پر مبارک باد پیش کی۔
ذرائع کے مطابق بلاول بھٹو زرداری کا وزیرخارجہ کا قلم دان سنبھالنے کے بعد پاک امریکہ تعلقات میں اس ٹیلی فونک رابطے کے ساتھ ایک نئے دور کا آغاز ہو گیا ہے۔
امریکی وزیر نے بات چیت کے دوران امن، ترقی اور سلامتی کے فروغ سمیت باہمی احترام کی بنیادوں پر آگے بڑھنے پر اتفاق کیا ہے۔
دونوں رہنماؤں نے دو طرفہ تعلقات اور خطے کی صورت حال سمیت اہم امور پر گفتگو بھی کی۔ وزارتِ خارجہ کے حلقوں کے مطابق یہ رابطہ بروز جمعہ سر انجام پایا ہے۔