میکسیکو کے صوبہ جالیسکو میں ایک پولیس آپریشن کے دوران 4 پولیس اہلکاروں سمیت 13 افراد ہلاک ہو گئے۔
مقامی پریس کے مطابق، السالتو شہر سے متصل سان لورینزو نامی علاقے میں پولیس اور اسمگلروں کے درمیان جھڑپ ہوئی جس میں 4 پولیس اہلکار اور نو اسمگلر مارے گئے۔
بتایا گیا ہےکہ اس واقعے میں 8 اسمگلروں نے خود کو قانون کے حوالے بھی کر دیا جن میں سے تین افراد کی حالت نازک بتائی گئی ہے۔
صوبائی اٹارنی کا کہنا ہے کہ اس جھڑپ کے بعد پولیس نے صورتحال قابو میں کرلی ہے جبکہ زبردستی یرغمال بنائے گئے دو افراد کو بھی رہا کروا لیا گیا ہے۔
علاقے میں پولیس نے حفاظتی تدابیر اختیار کر رکھی ہیں۔