امیر قطر شیخ تمیم بن حمد الثانی نے مصری صدر عبدالفتاح السیسی کے ساتھ بات چیت میں غزہ پر اسرائیلی حملوں کے بارے میں تبادلہ خیال کیا ۔
دیوان امارات قطر کے مطابق، اس ٹیلی فون بات چیت میں دو طرفہ تعلقات کے فروغ سمیت غزہ کی حالیہ صورت حال ،علاقائی اور عالمی معاملات کا جائزہ لیا ۔
واضح رہے کہ اسرائیل نے 5 اگست کو غزہ پر اسلامی جہاد تحریک کے بعض اڈوں کو نشانہ بنایا تھا جس کے جواب میں غزہ سے اسرائیل کی طرف جوابی راکٹ داغا تھا جس کے بعد حملوں کے تسلسل میں 14 بچوں اور 4 خواتین سمیت 44 افراد ہلاک ہو گئے تھے۔
دونوں فریقین کے درمیان 7 اگست کو جنگ بندی کا اعلان بھی کیا گیا تھا۔
