اسلام آباد پولیس نے پی ٹی آئی چیئرمین عمران خان کے چیف آف اسٹاف شہباز گل کی بیماری بہانہ قرار دے دی۔
ٹوئٹر پر جاری بیان میں اسلام آباد پولیس نے کہا کہ میڈیکل بورڈ نے ملزم شہباز شبیر کو طبی طور پر صحت مند قرار دیا ہے، ملزم حیلے بہانوں سے خود کو بیمار ظاہر کررہا ہے۔
ملزم شہباز شبیر کے جسمانی ریمانڈ کا معاملہ
میڈیکل بورڈ نے ملزم شہباز شبیر کو طبی طور پر صحت مند قرار دے دیا۔ ملزم شہباز شبیر حیلے بہانوں سے خود کو بیمار ظاہر کر رہے ہیں۔اسلام آباد کیپیٹل پولیس تمام تر امور قانون کے مطابق مکمل کر رہی ہے۔ 1/2
— Islamabad Police (@ICT_Police) August 19, 2022
بیماری کا بہانا کرکے ملزم شہباز شبیر تفتیش میں رکاوٹ پیدا کرنا چاہتے ہیں۔حیلے بہانوں سے قانون کا راستہ نہیں روکا جاسکتا۔
2/2#ICTP #OPS— Islamabad Police (@ICT_Police) August 19, 2022
اسلام آباد پولیس نے کہا کہ بیماری کا بہانا کرملزم شہباز شبیر تفتیش میں رکاوٹ پیدا کرنا چاہتے ہیں تاہم حیلے بہانوں سے قانون کا راستہ نہیں روکا جاسکتا۔
یاد رہے کہ دو روز قبل شہباز گل کو طبیعت خراب ہونے پر پمز اسپتال روانہ کیا گیا تھا جہاں ان کا طبی معائنہ بھی کیا گیا تاہم گزشتہ روز مجموعی رپورٹ آنے پر اسپتال نے شہباز گل کو مکمل فٹ قرار دیا ہے۔
مزید برآں شہباز گل آج عدالت میں پیشی کے وقت رو پڑے، پولیس سخت سکیورٹی میں پی ٹی آئی رہنما شہباز گل کو عدالت میں پیش کرنے کے لیے لائی تو وہ وہیل چیئرپر موجودتھے، اس موقع پر شہباز گل کو جب عدالت لے جایا جارہا تھا تو وہ بری طرح رو پڑے اور بار بار ماسک مانگتے رہے۔
