اسلام آباد : وفاق میں پی ڈی ایم کی اتحادی حکومت نے تحریک انصاف کے لانگ مارچ کے معاملے پر پارلیمنٹ کا مشترکہ اجلاس بلانے کا فیصلہ کیا ہے۔
نجی ٹی وی کے مطابق جمعہ کوحکومت نے تحریک انصاف کے لانگ مارچ کے معاملے پر پارلیمنٹ کا مشترکہ اجلاس بلانے کا فیصلہ کیا ہے ، قومی اسمبلی اور سینیٹ کا الگ الگ یا مشترکہ اجلاس بلانے سے متعلق مشاورت جاری ہے۔
پارلیمنٹ کا اجلاس 3 نومبر کو بلانے کی تجویز ہے۔ اجلاس میں لانگ مارچ اور اداروں کے سربراہان کی جانب سے پریس کانفرنس پر بحث کرائی جائے گی۔