لاہور: وزیر اعلیٰ پنجاب چوہدری پرویز الہیٰ نے پی ٹی آئی کے رکن اور صوبائی وزیر حسنین بہادر دریشک کا استعفیٰ مسترد کرتے ہوئے انہیں مونس الہیٰ کی طرح اپنا بیٹا قرار دے دیا۔
تفصیلات کے مطابق حسنین بہادر دریشک نے 17 دسمبر کو کابینہ اجلاس میں تلخ کلامی اور گرما گرمی کے بعد وزیراعلیٰ کو استعفیٰ بھیج دیا تھا جس کے بعد وزیراعلیٰ نے بتایا تھا کہ انہوں نے فوری استعفیٰ منظور کرلیا۔
مزید پڑھیں: وزیراعلی پنجاب سے تلخ کلامی پر صوبائی وزیر حسنین دریشک مستعفی
اب چوہدری پرویز الہیٰ نے مؤقف اختیار کیا کہ انہیں نے حسنین بہادر دریشک کا استعفیٰ مسترد کردیا کیونکہ صوبائی وزیر اپنے محکمے کو بڑے اچھے طریقے سے چلا رہے ہیں۔
انہوں نے حسنین بہادر کو بیٹا قرار دیتے ہوئے کہا کہ وہ میرے لیے مونس الہیٰ کی طرح ہیں۔