صدر رجب طیب ایردوان کا کہنا ہے کہ آج ہم نہ صرف سال نو کو خوش آمدید کہہ رہے ہیں بلکہ جمہوریہ ترکیہ کے نئی صدی میں قدم رکھنے والے ایک دور میں بھی داخل ہو رہے ہیں۔
ترک صدر نے سماجی رابطوں کے پیج پر سال 2023 کی مبارکباد دیتے ہوئے 2022 کے حوالے سے اپنے جائزے پیش کیے ہیں۔
ان کا کہنا ہے کہ سال 2022 میں ملک بھر میں پرانے مکانات کی تعمیر ِ نو ، ماحولیاتی صفائی اور صفر فضلہ میں بڑی کامیابیاں حاصل کی گئی ہیں۔
ملک میں جمہوریہ کی تاریخ کا سب سے بڑا سوشل ہاؤسنگ اقدام شروع کرنے کا ذکر کرنے والے ایردوان نے کہا کہ ہم نے ابتک 20 ہزار سماجی رہائشوں کی تکمیل کی ہے۔
اس بات پر زور دیتے ہوئے کہ ایک لاکھ پودے لگائے گئے ہیں ، 49 قومی باغات مکمل کر کے عوام کے لیے کھولے گئے ہیں ایردوان نے کہا کہ قومی باغات کی کل تعداد 152 تک ہو گئی ہےاور 310 منصوبوں کی تعمیر کا کام ابھی بھی جاری ہے۔
ان کا کہنا تھا کہ موسمی تبدیلیوں کے برخلاف کاربن گیسوں کے اخراج کے ہدف کو سن 2030 تک 41 فیصد تک بڑھا دیا گیا ہے۔
رواں سال کے پہلے 11 ماہ میں 231 ارب ڈالر کی برآمدات سر انجام دینے کا ذکر کرنے والے ترک صدر نے بتایا کہ ہم نے 18 ممالک کے ساتھ تجارتی سرگرمیوں کے فروغ کے لیے بعید ممالک حکمت عملی کو عملی جامہ پہنایا ہے۔ لہذا ہم آج سال کے آغاز کے ساتھ ساتھ ترکیہ صدی کا بھی سنگ بنیاد رکھ رہے ہیں۔
