الیکشن کمیشن نے سندھ میں صوبائی حکومت کی جانب سے انتخابات ملتوی کروانے کی درخواست پھر مسترد کردی۔ کراچی اور حیدرآباد ڈویژن میں کل بلدیاتی انتخابات ملتوی نہیں ہوں گے۔
ترجمان الیکشن کمیشن نے کراچی اور حیدرآباد ڈویژن میں کل بلدیاتی انتخابات ملتوی نہ ہونے کا اعلان کرتے ہوئے سخت سیکیورٹی یقینی بنانے کی ہدایت جاری کر دی ۔
سندھ الیکشنر کمشنر اعجاز انور نے کہا کہ سندھ کے تمام اضلاع میں الیکشن سامان کی ترسیل کا عمل شام 4 بجےتک مکمل ہو جائے گا جبکہ کراچی اور حیدرآباد ڈویژن میں کل بلدیاتی انتخابات ملتوی نہیں ہوں گے۔
اس سے قبل کراچی اور حیدرآباد ڈویژن میں کل بلدیاتی انتخابات ملتوی کرنے کے لیےسندھ حکومت نے الیکشن کمشنر کو خط لکھا تھا جس میں درخواست کی گئی ہے کہ کراچی اور حیدرآباد ڈویژن میں کل بلدیاتی انتخابات ملتوی کیے جائیں۔
درخواست میں مؤقف اختیار کیا گیا کہ سیکیورٹی کے مسائل کا سامنا ہے اور کوئی بھی ناخوشگوار واقعہ ہو سکتا ہے۔
سندھ حکومت نے کہا کہ سیکیورٹی کے فول پروف انتظامات ہونے تک بلدیاتی الیکشن ملتوی کیے جائیں۔
