کراچی: جماعت اسلامی کے نامزد چیئرمین یوسی 7 شانتی نگر گلشن اقبال نے مبینہ دھاندلی سے متعلق ری پولنگ کے لیے سندھ ہائیکورٹ سے رجوع کرلیا۔
دائردرخواست میں درخواست گزار غلام مصطفی نے موقف اپنایا کہ یونین کمیٹی 7 شانتی نگر سے جماعت اسلامی کا چیئرمین کے عہدے کا امیدوار ہوں، مخالف امیدوار نے عملہ اور انتظامیہ سے ملکر بدترین دھاندلی کی۔
پولیس اور الیکشن کمیشن کو شکایات کی مگر کوئی شنوائی نہیں ہوئی۔ مجھے سنگین دھمکیاں اور بہترین دھاندلی کی گئی، پولنگ اسٹیشن نمبر 3 شاہ لطیف اسکول، ایم ڈی اسکول میں دوبارہ پولنگ کروائی جائے۔
درخواست میں استدعا کی گئی ہے کہ دوبارہ پولنگ کے عمل تک سکندر حسن کی کامیابی کا نوٹیفکیشن روکا جائے۔ درخواست میں ریٹرنگ افسر ،ٹی ایم سی گلشن اقبال، صوبائی الیکشن کمیشن، نامزد چیئرمین سکندر حسن، ایس ایچ او عزیز بھٹی کو فریق بنایا گیا ہے۔