اسلام آ باد:امریکی سائفر کے ذریعے مبینہ سازش کے تحت پی ٹی آئی حکومت ہٹانے کی تحقیقات کے معاملے پر سپریم کورٹ میں دائر چیمبر اپیلیں سماعت کیلئے مقرر کر دی گئی ہیں۔
سپریم کورٹ کے جسٹس سردار طارق مسعود مذکورہ چیمبر اپیلوں پر منگل کو سماعت کریں گے۔ یاد رہے کہ درخواستیں مبینہ عالمی سازش کے ذریعے عمران خان کی حکومت ہٹانے کی تحقیقات کیلئے دائر کی گئی تھیں تاہم رجسٹرار سپریم کورٹ نے درخواستوں پر مختلف اعتراضات عائد کرتے ہوئے انہیں واپس کر دیا تھا۔
