کراچی: پی ایس ایل 8 کے آٹھویں ایڈیشن میں لاہور قلندرز کے لیام ڈاسن انجرڈ ہوکر ایونٹ سے باہر ہو گئے۔
ٹیم کی جانب سے جاری اعلامیے میں کہا گیا ہے کہ لاہور قلندرز کے آل راؤنڈر لیام ڈاسن انجرڈ ہوگئے ہیں، جس کی وجہ سے وہ پی ایس ایل 8 سے باہر ہوگئے۔
واضح رہے کہ لیام ڈاسن کو کراچی کنگز کے خلاف میچ کے دوران ٹخنے میں انجری ہوئی تھی اور ڈاکٹرز نے انگلش آل راؤنڈر کو اسکین کے بعد 4 سے 6 ہفتے آرام تجویز کیا گیا ہے جس کے باعث وہ آج وطن واپس روانہ ہوجائیں گے۔
دوسری جانب لاہور قلندرز نے لیام ڈاسن کی جگہ متبادل کھلاڑی کے نام کا اعلان نہیں کیا ہے۔
