اسلام آباد: ایپکس کمیٹی کے اجلاس میں اتفاق کیا گیا کہ دہشت گردی کا خاتمہ، معاشی بحالی اور سیاسی استحکام آپس میں باہم جڑے ہوئے ہیں، پاکستان داخلی عدم استحکام کا متحمل نہیں ہوسکتا۔
وزیر اعظم شہباز شریف کی صدارت میں اپیکس کمیٹی کا اجلاس منعقد کیا گیا جس میں دہشت گردی کے واقعات، سکیورٹی فورسز کے آپریشن کے دوران میڈیا خصوصاً سوشل میڈیا کے کردار پر غور کیا گیا۔
جاری کردہ اعلامیہ کے مطابق اجلاس میں مؤقف اپنایا گیا کہ آپریشن کے دوران حساس معلومات بھی میڈیا پر نشر ہوجاتی ہیں، نشر معلومات سے دہشت گرد اور ان کے سہولت کار فائدہ اٹھاسکتے ہیں، نشر معلومات سے سکیورٹی آپریشن پر اثرات بھی مرتب ہوسکتےہیں، نشر معلومات سے آپریشن کرنے والے افسران، جوانوں کی زندگیاں خطرات سے دو چار ہوجاتی ہیں۔
