پاکستان ون ڈے ورلڈ کپ کیلیے فیورٹ ہے، وسیم اکرم

پاکستان کرکٹ ٹیم کے سابق کپتان وسیم اکرم نے کہا ہے کہ پاکستان ون ڈے ورلڈ کپ کے لیے فیورٹ ہے۔

بھارتی نیوز چینل کے پروگرام میں بات کرتے ہوئے وسیم اکرم کا کہنا تھا کہ پاکستانی ٹیم کے پاس شاہین آفریدی  جیسا بہترین فاسٹ بولر ہے، جس نے مسلسل دوسری بار اپنی ٹیم کو پاکستان سپر لیگ کا فائنل جتوایا ہے، انہوں نے کہا کہ شاہین آفریدی اپنے کیریئر کی بہترین فارم میں ہیں۔

وسیم اکرم کا کہنا تھا کہ نسیم شاہ، حارث رؤف، احسان اللہ، محمد حسنین جیسے اچھے بالرز پاکستانی ٹیم میں ہیں۔  انہوں نے کہا کہ چونکہ بھارت کی پچز بیٹر کے حق میں ہوتی ہیں، اس لیے وہی ٹیم کامیاب ہو سکتی ہے جس کابالنگ اٹیک زیادہ مضبوط ہوگا۔