انگلینڈ: ہالی ووڈ کی پروڈیوسر اور پی ٹی آئی چیئرمین عمران خان کی سابقہ اہلیہ جمائما کا کہنا ہے کہ پاکستان میں رمضان ان کا سب سے پسندیدہ وقت تھا۔
جمائما گولڈ اسمتھ نے ماہِ صیام کے آغاز کے موقع پر ٹوئٹر پر اپنی فلم ’Whats love got to di with it‘ کا ایک ویڈیو کلپ شیئر کرتے ہوئے تمام مسلمانوں کو رمضان کی آمد پر مبارکباد پیش کی ہے۔
جمائما نے پاکستان میں گزرے ہوئے اپنے بہترین لمحات کو یاد کرتے ہوئے کہا ہے کہ پاکستان میں گزرے ہوئے تمام وقت میں سے رمضان ان کا سب سے پسندیدہ وقت ہے۔
Ramadan in Pakistan was my favourite time. A month not just of fasting but also of good intentions trying to be a better person- no gossiping, swearing, boasting or lying. A time for contemplation, charity, kindness, forgiveness, family jalebis.
Ramadan Mubarak pic.twitter.com/FxNHxWUFKw
— Jemima Goldsmith (@Jemima_Khan) March 22, 2023
انہو ں نے اپنی ٹوئٹ میں لکھا کہ ’پاکستان میں رمضان میرا پسندیدہ وقت تھا۔ یہ مہینہ نہ صرف روزے رکھنے کا بلکہ نیک نیتوں اور بہتر انسان بننے کی کوشش کا بھی مہینہ ہے۔ کوئی فضول تبصرے نہ کرے اور جھوٹ نہ بولے یہ غور و فکر، خیرات، مہربانی، معافی، خاندان کے ساتھ وقت گزارنے اور جلیبیوں کا وقت ہے۔‘
یاد رہے کہ جمائما آئے دن اپنی ٹوئٹس میں پاکستان کیلئے اپنی محبت کا اظہار کرتی نظر آتی ہیں وہ تہوار کے موقع پر پاکستان کو ضرور یاد کرتی ہیں ان کی فلم میں بھی پاکستان کے رسم و رواج اور روایات کی مثبت انداز میں عکاسی کی گئی ہے۔