ٹیکساس:امریکی ریاست ٹیکساس کے ایک ڈیری فارم میں دھماکے سے 18ہزار گائیں ہلاک ہوگئیں،امریکی میڈیا کے مطابق یہ واقعہ ڈِمِٹ ٹائون کے قریب قائم ایک ساتھ فورک ڈیری میں پیش آیا جہاں ہزاروں کی تعداد میں گائیں موجود تھیں.۔
میڈیا رپورٹس کے مطابق واشنگٹن ڈی سی میں قائم اینیمل ویلفیئر انسٹی ٹیوٹ کی جانب سے بھی 18ہزار گائیں کے ہلاک ہونے کی تصدیق کی گئی ہے، انتظامیہ کی جانب سے دھماکے کی وجوہات معلوم کرنے کی کوشش کی جارہی ہیں تاہم انتظامیہ کا خیال ہے کہ فارم میں موجود مشینری کی وجہ سے میتھین گیس سے آتشزدگی کی کیفیت پیدا ہوئی جس سے دھماکا ہوا۔
انتظامیہ کے مطابق دھماکے کے نتیجے میں کچھ گائیں زخمی بھی ہوئی ہیں اور کچھ کو بچا لیا گیا ہے۔
انتظامیہ کا کہنا تھاکہ حادثے کے نتیجے میں ایک شخص شدید زخمی ہوا جس کی حالت تشویشناک ہے۔
