کابل: افغانستان میں شوال کا چاند نظر آنے کے بعد عید الفطر 21 اپریل بروز جمعہ کو منائی جائے گی ،افغان میڈیا کے مطابق طالبان کی سپریم کورٹ نے جمعہ کو عید الفطر منانے کا اعلان کیا ہے۔
افغان حکومت کے ترجمان ذبیح اللہ مجاہد نے ٹوئٹر پر چاند نظر آنے کا اعلان کرتے ہوئے کہا کہ ملک میں جمعہ کو عید الفطر کا پہلا دن ہوگا۔
واضح رہے کہ پاکستان میں آج شوال کا چاند نظر نہیں آیا جب کہ سعودی عرب اور متحدہ عرب امارات میں چاند نظر آگیا ہے اور ان ممالک میں جمعہ کو عید منائی جائے گی۔
