کراچی: نیشنل اسٹیڈیم میں کھیلے گئے تیسرے ون ڈے میں پاکستان نے نیوزی لینڈ کو27 رنز سے شکست دے کر 12 سال بعد سیریز فتح کرلی۔
تفصیلات کے مطابق کراچی کے نیشنل اسٹیڈیم میں کھیلے گئے تیسرے ون ڈے میں پاکستان نے نیوزی لینڈ کو 27 رنز سے شکست دے کر 12 سال بعد ون ڈے سیریز بھی جیت لی۔ پاکستان نے آخری بار 2011 میں نیوزی لینڈ کے خلاف ون ڈے سیریز جیتی تھی۔ پاکستان کو 5 میچوں میں تین صفر سے برتری حاصل ہوگئی۔
Series sealed 🙌
Victory achieved in the third ODI by 2️⃣6️⃣ runs as we extend the lead to 3️⃣-0️⃣ #PAKvNZ | #CricketMubarak pic.twitter.com/cfgmbxQz7F
— Pakistan Cricket (@TheRealPCB) May 3, 2023
اس سے قبل نیوزی لینڈ نے ٹاس جیت کے پہلے فیلڈنگ کا فیصلہ کیا تھا،پاکستان نے بیٹنگ کرتے ہوئے6وکٹوں کے نقصان پر 287 رنز بنائے تھے ،288 رنز کے ہدف کے تعاقب میں نیوزی لینڈ کی ٹیم 261 رنز بناسکی۔ٹام بلنڈل 65 اور کول میکونچی64 رنز بناکر نمایاں رہے۔
The bails go flying as @Wasim_Jnr makes a mess of the stumps! 🔥#PAKvNZ | #CricketMubarak pic.twitter.com/KedCxXHx9D
— Pakistan Cricket (@TheRealPCB) May 3, 2023
پاکستان کے شاہین شاہ آفریدی، محمد وسیم اور نسیم شاہ نے 2،2 جبکہ آغا سلمان نے ایک وکٹ حاصل کی جبکہ تین کھلاڑی رن آؤٹ ہوئے۔
قومی ٹیم کی جانب سے اننگز کا آغاز مسلسل تین سنچریاں بنانے والے فخر زمان اور امام الحق نے کیا، تاہم یہ جوڑی زیادہ دیر تک ساتھ نہ نبھا سکی اور فخر زمان 26 گیندوں پر 19 رنز بنا کر پویلین لوٹ گئے۔
Most century partnerships for a pair in ODIs for Pakistan:
9️⃣ – @ImamUlHaq12 and @babarazam258
9️⃣ – @yousaf1788 and @YounusK75 #PAKvNZ | #CricketMubarak pic.twitter.com/IUg34Nry2T— Pakistan Cricket (@TheRealPCB) May 3, 2023
امام الحق 90 اور بابر اعظم 54 رنز بنا کر نمایاں رہے، عبداللہ شفیق 19، محمد رضوان 32 ، آغا سلمان 31 رنز بنا کر آؤٹ ہوگئے، نیوزی لینڈ کے میٹ ہینری 3، ایڈم ملنے 2، کول میکونچی ایک وکٹ حاصل کرنے میں کامیاب رہے۔