کراچی: الیکشن کمیشن سندھ نے 7مئی کو ملتوی شدہ نشستوں پر بلدیاتی انتخابات کے شیڈول کے اعلان کے بعد پولیس افسران کی تقرری و تبادلوں کا نوٹس لے لیا۔
الیکشن کمیشن نے بلدیاتی انتخابات کے انعقاد تک متعلقہ یوسیزمیں کسی بھی افسر کی تقرری اور تبادلے پر پابندی عائد کی تھی۔ جماعت اسلامی کراچی الیکشن سیل کے انچارج راجا عارف سلطان نے حکومت سندھ کی جانب سے اس پابندی کے خلاف ورزی کی نشاندہی کی تھی۔
الیکشن کمیشن سندھ نے راجا عارف سلطان کی نشاندہی پر آئی جی سندھ کو خط ارسال کر دیا ۔ الیکشن کمیشن کے خط میں اس خلاف ورزی کا نوٹس لیتے ہوئے آئی جی کو ان تمام تقرریوں اور تبادلوں کو واپس لینے کا حکم دیا گیاہے۔