لندن: وزیر اعظم شہباز شریف نے برطانیہ کے دارالحکومت لندن میں کامن ویلتھ ممالک کے رہنماؤں کے اجلاس میں شرکت کی اور اس موقع پر ان کی کنگ چارلس سوئم اور برطانوی ہم منصب رشی سونک سے ملاقات بھی ہوئی۔ شہباز شریف نے کنگ چارلس سوئم کو پاکستان کے عوام کی جانب سے ان کی تاجپوشی پر مبارکباد پیش کی۔
دولت مشترکہ کے رہنماؤں کے اجلاس سے خطاب کرتے ہوئے وزیر اعظم کا کہنا تھا کہ برطانوی کنگ چارلس سوئم کی تاج پوشی ایک نئے دور کا آغاز ہے، دولت مشترکہ تنظیم کی تقویت میں سب اپنا اپنا کردار ادا کریں، دولت مشترکہ کے ممالک کے مابین ہم آہنگی میں بہتری لانے کی ضرورت ہے۔
ان کا کہنا تھا کہ پاکستان میں حکومت خواتین اور نوجوانوں کو بااختیار بنا رہی ہے، حکومت پسماندہ طبقے، اقلیتوں، معذور افراد اور ٹرانس جینڈر کمیونٹی کو مرکزی دھارے میں لا رہی ہے۔
He also had cordial interactions with other dignitaries including President of Sri Lanka Ranil Wickremesinghe, Minister of State UK Andrew Mitchell, President of Maldives Ibrahim M Solih, President of Zambia Hakainde Hichilema President of Mauritius Mr. Prithvirajsing Roopun. pic.twitter.com/b3wPqzoETM
— President PMLN (@president_pmln) May 6, 2023
شہباز شریف نے برطانوی ہم منصب رشی سونک سے ملاقات کی اور برطانوی شاہ چارلس سوئم کی تاجپوشی کی دو روزہ تقریبات کیلئے شاندار انتظامات پر انہیں مبارکباد پیش کی۔