بیجنگ : چین مقبوضہ کشمیر میں جی 20 اجلاس کی مخالف کردی۔ شرکت نہ کرنے کا فیصلہ کرلیا ہے۔
چین کا کہنا تھا کہ آئندہ ہفتے متنازع علاقے میں کسی بھی قسم کے اجلاس میں شرکت نہ کرنے کا فیصلہ کیا ہے۔
واضح رہے کہ بھارت کے پاس رواں برس جی 20 ممالک کی سربراہی ہے اور وہ ملک بھر میں اجلاس منعقد کر رہا ہے۔
چینی وزارت خارجہ کے ترجمان وینگ وین بن کا کہنا تھا کہ چین متنازع علاقے میں کسی بھی قسم کے جی 20 اجلاس کی مخالفت کرتا ہے اور ایسے کسی بھی اجلاس میں شرکت نہیں کرے گا۔
یاد رہے کہ 2019ء میں بھارت نے کشمیر کی خصوصی آئینی حیثیت ختم کر دی تھی۔مقبوضہ کشمیر کے شہر سرینگر میں 22 سے 24 مئی کو جی 20 رکن ممالک کے ورکنگ گروپ کی سیاحت سے متعلق میٹنگ ہوگی۔