اسلام آباد: وفاقی وزیر خزانہ اسحاق ڈار نے کہا ہے کہ بجٹ میں رواں سال کوئی نیا ٹیکس عائد نہیں کیا جارہا اور حکومت کی کوشش ہے کہ ملک میں عوام کو زیادہ سے زیادہ ریلیف دیا جائے۔
جمعہ کو قومی اسمبلی میں آئندہ مالی سال کا بجٹ پیش کرتے ہوئے انہوں نے کہا کہ کوشش یہ ہے کہ روزگار کے مواقع بڑھائے جائیں، کاروبار میں آسانیاں لائی جائیں۔
صنعتوں کی حوصلہ افزائی ہو اور برآمدات میں اضافہ کیا جائے جس سے زرمبادلہ کے ذخائر بڑھ سکیں۔ انہوں نے کہا کہ بجٹ میں اس سال کوئی بھی نیا ٹیکس عائد نہیں کیا جا رہا۔