کراچی:وفاقی وزیر خارجہ اور پیپلز پارٹی کے چیئرمین بلاول زرداری نے کہا ہے کہ شہر کی ترقی میری ذمہ داری ہے جس کا 5 سال بعد مجھ سے جواب لیا جاسکتا ہے، اس ملک کو صرف کراچی شہر بچا سکتا ہے، کراچی کے مسائل کے حل کے لیے ذاتی دلچسپی لوں گا، کراچی کے بہت سارے مسائل ہیں جن کا تعلق وفاق سے بھی جڑا ہے۔
بلاول نے کہاکہ دھاندلی کا الزام لگانے والوں کو کارکردگی سے جواب دیں گے ڈکٹیٹر کا دور اب ختم ہو چکا ہے، صوبائی حکومت بھی میئر کے ساتھ تعاون کرے گی، کے ایم سی اپنا پراپرٹی ٹیکس جمع کرسکتی ہے، اس طرح کے ٹیکسز جمع کرنے کا اختیار بلدیاتی اداروں کو دینے سے بہتری آئے گی۔
انہوں نے مزید کہاکہ جماعت اسلامی کو تجویز دوں گا سیاسی جماعتوں کے ساتھ مل کر کام کرے، جماعت اسلامی زمان پارک سے مل کر شہر پر قبضہ کرنے کی کوشش کر رہی تھی، جماعت اسلامی کو شہدا کی یادگاروں کو جلانے والوں سے نہیں ملنا چاہیے۔