عجمان:متحدہ عرب امارات کے شہر عجمان میں 40 منزلہ رہائشی عمارت میں خوفناک آگ بھڑک اٹھی جس نے عمارت کی کئی منزلوں کو اپنی لپیٹ میں لے لیا۔
عجمان پولیس نے رہائشی عمارت میں لگی آگ کی فوٹیج سوشل میڈیا پر پوسٹ کرتے ہوئے بتایا کہ عمارت کے رہائشیوں کو با حفاظت نکال لیا گیا ہے، کسی جانی نقصان کی اطلاع نہیں، کئی گھنٹوں کی محنت کے بعد فائر فائٹرز کی ٹیموں نے آگ پر قابوپا لیا جبکہ کولنگ کا عمل بھی شروع کر دیا گیا ہے،مقامی میڈیا نے رپورٹ کیا ہے کہ سال 2016 میں بھی اسی کمپلیکس میں آگ بھڑک اٹھی تھی۔