اسلام آباد: نے کہا ہے کہ جس انداز سے بلز پاس ہوئے ہیں، یہ ایک سیاہ دن ہے۔ان کا کہنا ہے کہ انتہائی اہم بلز ایجنڈے میں ہیں، یہ بلز ہمیں آج ہی ملے۔
پیپلز پارٹی کے سینیٹر میاں رضا ربانی نے بلز پاس ہونے کے خلاف سینیٹ سے واک آؤٹ کیا ۔چیئرمین سینیٹ صادق سنجرانی کی صدارت میں ہونے والے اجلاس کے دوران پی پی پی کے سینیٹر رضا ربانی نے ایوان میں اظہارِ خیال کرتے ہوئے کہا کہ ایچ ای سی سے متعلق بل غیر قانونی ہے، اس کا مقصد اٹھارہویں ترمیم کو رول بیک کرنا ہے، اس بل کو سی سی آئی سے منظور ہونا تھا۔
چیئرمین سینیٹ صادق سنجرانی نے سینیٹر رضا ربانی کے اعتراض پر کہا کہ ایچ ای سی سے متعلق بل آج نہیں آ رہا۔سینیٹر میاں رضا ربانی نے واک آئوٹ کا اعلان کرتے ہوئے کہا کہ آج جس انداز سے بلز پاس ہوئے ہیں یہ ایک سیاہ دن ہے، میں اس اندھی قانون سازی کے خلاف ایوان سے واک آؤٹ کرتا ہوں۔
