جارجیا کے سیاحتی قصبے شوووی میں گزشتہ ہفتے مٹی کا تودہ گرنے کے واقعے میں ہلاکتوں کی تعداد انیس ہو گئی ہے ۔
راچا۔لیخومی اور کوویمو سوانیتی نامی علاقے میں موجود اس علاقے میں امدادی کاروائیاں تاحال جاری ہیں۔
جارجیا کی انسداد ہنگامی حالات ایجنسی کے صدر تیمور میگیبریشویلی نے بتایا کہ آج بھی ایک خاتون کی نعش ملی ہے جس کے بعد ہلاکتوں کی تعداد انیس ہو گئی ہے۔
پولیس اس حادثے میں لا پتہ ہونے والے پندرہ افراد کی تلاش بھی جاری رکھےہوئے ہے جن میں ان کی مدد کےلیے ڈرونز اور ہیلی کاپٹرز کا بھی استعمال ہو رہا ہے۔