امریکہ نے روس کی، کنوینشنل اسلحے کے سمجھوتے CFE سے، دستبرداری کے بعد سمجھوتے سے متعلقہ ملکی ذمہ داریوں کو التوا میں ڈال دی ہیں۔
امریکہ وزارت خارجہ کے جاری کردہ بیان کے مطابق یہ فیصلہ روس کی سمجھوتے سے دستبرداری کے خلاف ردعمل کے طور پر کیا گیا ہے۔
بیان میں کہا گیا ہے کہ” روس کی دستبرداری یورپ میں سکیورٹی سے متعلقہ کاروائیوں کی بیخ کنی کا مفہوم رکھتی ہے۔ ہم اس نتیجے پر پہنچے ہیں کہ ماسکو کی دستبرداری کے بعد ہمیں بھی اس سمجھوتے پر قائم نہیں رہنا چاہیے”۔
بیان کےمطابق CFE کی ذمہ داریاں التوا میں ڈالنے کا فیصلہ 7 دسمبر سے نافذالعمل ہو جائے گا۔
واضح رہے کہ کنوینشنل اسلحے کے پھیلاو میں سدّباب کا سمجھوتہ’ CFE ‘نیٹو اور سوویت یونین کے درمیان 1990 میں طے پایا تھا۔ سمجھوتے پر دستخط فرانس کے دارالحکومت پیرس میں کئے گئے تھے۔
روس نے 2015 میں CFE میں شرکت کو التوا میں ڈالنے کا فیصلہ کیا تھا اور صدر ولادی میر پوتن نے مئی کے مہینے میں سمجھوتے کی منسوخی کا مرحلہ شروع کروا دیا تھا۔
