اسلام آباد : تحریک انصاف ( پی ٹی آئی ) کے سینیٹر بیرسٹر علی ظفر نے کہا ہے کہ ججز کو کالی بھیڑیں کہنے پر وزیراعظم نے معافی مانگ لی تو ٹھیک ہے ورنہ نا اہل ہو جائیں گے،عدالتیں اس اقدام کو نظر انداز نہیں کر سکتیں انہوں نے بہت بڑی غلطی کی۔
علی ظفر نے کہا کہ ہم نے بچپن سے یہی سنا ہے کہ ججز اپنے فیصلوں کے ذریعے بولتے ہیں،چیف جسٹس کا خط لکھنا نہیں بنتا تھا، جس کا دل کرتا ہے اپنے مخالف پر غداری کا الزام لگا دیتا ہے۔
انہوں نے مزید کہا کہ وزیراعظم کا ججز کو کالی بھیڑیں کہنا توہین عدالت ہے،وزیراعظم نے ان ججز کیلئے الفاظ استعمال کئے جو بانی پی ٹی آئی کے فیصلے دے رہے ہیں،عدالتوں کو کالی بھیڑیں کہنے پر وزیراعظم کو توہین عدالت کا نوٹس دینا پڑے گا۔
