پشاور :مشیر اطلاعات خیبرپختونخوا ( کے پی کے بیرسٹر ڈاکٹر سیف کا کہنا ہے کہ وفاق اپنا قبلہ درست کرے، لوڈشیڈنگ ختم نہیں ہوئی تو عوام ہمارے کنٹرول سے باہر ہوجائے گی۔
میڈیا سے گفتگو کرتے ہوئے کہاکہ کے پی کے میں طویل لوڈ شیڈنگ کی وجہ سے عوام کا جینا محال ہوگیا ہے، وزیراعلی کے پی کے نے حالات قابو میں رکھے ہوئے ہیں، وفاقی تنصیبات کو مشتعل عوام سے محفوظ رکھا گیا ہے۔
انہوں نے مزید کہاکہ مسلم لیگ ن کی ماڈل ٹاؤن کی دہشت گردی سب کو یاد ہے، مریم نواز بھول گئیں کہ ماڈل ٹاؤن کی سڑکوں پر معصوم بچوں اور حاملہ خواتین پر گولیاں برسائیں گئیں۔