نیروبی (انٹرنیشنل ڈیسک) کینیا میں حکومت کے خلاف جاری مظاہرے شدت اختیار کرگئے۔ پولیس کے ساتھ جھڑپوں میں 5افراد ہلاک اور 200سے زائد زخمی ہوگئے۔ خبررساں اداروں کے مطابق ایمنسٹی انٹرنیشنل کا کہنا ہے کہ حکومت کے ٹیکس منصوبے کے خلاف ملک گیر احتجاج کے دوران 100سے زائد افراد کو گرفتار کیا گیا ہے۔ اس دوران پولیس نے مظاہرین پر آنسو گیس اور تیز دھار پانی کا استعمال کیا اور ربڑ کی گولیوں سے نشانہ بھی بنایا۔
