داغستان : روس کے شمالی خطے داغستان میں نامعلوم افراد کی جانب سے یہودی اور عیسائی عبادت گاہوں کے علاوہ ایک ٹریفک پولیس اسٹیشن پر حملہ کیا گیا جس کے نتیجے میں 7 پولیس اہلکاروں سمیت 15افراد ہلاک ہوگئے۔
غیر ملکی میڈیا رپورٹس کے مطابق نامعلوم مسلح افراد نے دو گرجا گھروں اور یہودی عبادت گاہ کی عمارتوں کو آگ لگا دی اور ایک پولیس چیک پوسٹ پر فائرنگ کی جس کے نتیجے میں 7 پولیس اہلکار ہلاک اور 13 زخمی ہوگئے۔
داغستان میں عبادت گاہ کو آگ لگنے کے بعد دھویں اور شعلوں نظر آرہے ہیں ، یہ بنیادی طور پر مسلم اکثریتی علاقے میں یہودیوں کی قدیم عبادت گاہ ہے۔
داغستان کے دارالحکومت اور اس سے تقریباً 125 کلومیٹر (78 میل) دور واقع سب سے بڑے شہر ماخچکالا میں عبادت گاہوں پر حملہ کیا گیا، جہاں پولیس چوکی بھی حملے کی زد میں آئی۔
روس کی تحقیقاتی کمیٹی کے مطابق دہشت گردی کی کارروائیوں پر مجرمانہ تحقیقات شروع کر دی ہیں۔