واشنگٹن (انٹرنیشنل ڈیسک) ایف بی آئی نے بلغاریا میں پیدا ہونے والی خاتون راجا اگناتووا کی گرفتاری پر 40لاکھ پاؤنڈ انعام کا اعلان کردیا۔ 43 سالہ روجا اگناتووا کے پاس جرمن شہریت ہے وہ دنیا کی سب سے مطلوب خاتون ہے ۔ روجا کرپٹو کوئن کے نام سے مشہور خاتون پر دنیا کے سب سے بڑے کرپٹو کرنسی فراڈ کا الزام ہے ۔اس نے 2014 ء میں وان کوائن نامی جعلی کرپٹو کرائن بیچ کر سرمایہ کاروں سے 4 ارب ڈالر کا فراڈ کیا تھا۔ خاتون 2017 ء میں منظر نامے سے غائب ہوگئی جس کے بعد ایف بی آئی نے پہلے ایک لاکھ ڈالر انعام کی پیشکش کی تھی اور پھر اسے بڑھا کر 40لاکھ ڈالر کردیا گیا۔