ریاض (انٹرنیشنل ڈیسک) سعودی حکام نے مختلف کارروائیوں میں منشیات اسمگلنگ کے الزام میں 5افراد کو گرفتار کرلیا۔ملزمان کے پاس سے نشہ آور پودوں قات اور حشیش کے علاوہ ایمفیٹامین گولیاں اور دیگر ممنوع اشیا برآمد ہوئی ہیں۔ سعودی ذرائع ابلاغ کے مطابق ریاض میں 3مصری باشندوں کو گرفتار کیا،جن کے پاس سے 35 کلو گرام چرس، 12ہزار 260 ایمفیٹامین گولیاں اور صرف ڈاکٹر کے نسخے پر ملنے والی 24ہزار 991 گولیاں ضبط کی گئیں۔جنوب مغربی صوبے الباحہ میں سرحدی حفاظتی نظام کی خلاف ورزی کرنے اور حشیش فروخت کرنے والے ایک ایتھوپیا کے شہری کو پکڑاگیا۔