اوٹاوا (انٹرنیشنل ڈیسک) کینیڈا کے جنگلات میں لگنے والی آگ کے خطرے کے پیش نظر جاسپر کے علاقے سے 4ہزار 700 افراد کو محفوظ مقامات کو منتقل کر دیا گیا ۔ البرٹا کے صوبائی حکام نے آگ کی شدت کے پیش نظر شہریوں کے لیے ہدایات جاری کیںاور25ہزار افراد کو انخلا کا انتباہ دیا ہے۔ 19 جولائی سے جاری آتش زدگی کے دوران 95 ہزار ہیکٹر رقبہ خاکستر ہوچکا ہے۔ دوسری جانب امریکی ریاست کیلی فورنیا کے جنگلات میں 20 جگہ لگی آگ سے ایک لاکھ ایکڑ اراضی جل کر راکھ ہو چکی ہے جبکہ اوریگون اور ایریزونا کے جنگلات میں بھی کئی مقامات پر آگ لگی ہوئی ہے۔
