واشنگٹن (انٹرنیشنل ڈیسک) امریکی شہر نیویارک کے جے ایف کینیڈی ائرپورٹ کے ٹرمینل 8 میں آتش زدگی کے باعث ائرپورٹ کا آپریشن متاثر ہوا۔ نیویارک فائر ڈپارٹمنٹ کے مطابق واقعہ صبح 7 بجے ٹرمینل نمبر 8 میں پیش آیا۔ آگ لگنے سے 9 افراد متاثر ہوئے تاہم ان کی حالت خطرے سے باہر ہے۔ آتشزدگی کے بعد 960 افراد کو دوسرے ٹرمینل منتقل کردیا گیا۔ ائرپورٹ انتظامیہ نے ٹرمینل کو کلیئر کرکے آپریشن بحال کردیا۔ واضح رہے کہ جان ایف کینیڈی ائرپورٹ ملک کے مصروف ترین ہوائی اڈوں میں سے ایک ہے ۔