ادیس ابابا (انٹرنیشنل ڈیسک) ایتھوپیا میں لینڈ سلائیڈنگ میں 257 ہلاکتوں پر 3 روزہ سوگ کا اعلان کردیا گیا۔ فیصلے کے تحت سرکاری عمارتوں اور بیرون ملک سفارتخانوں اور قونصل خانوں میں پرچم سرنگوں کیے جائیں گے۔ یاد رہے کہ 21 جولائی کو ملک کے جنوب میں گوفا کے پہاڑی علاقے میں شدید بارش کے نتیجے میں لینڈ سلائیڈنگ سے خواتین اور بچوں سمیت 257 افراد ہلاک ہوئے تھے۔ حکام کا کہنا ہے کہ کئی افراد لاپتا ہیں اور ہلاکتوں میں اضافے کا خدشہ ہے۔