پیرس اولمپکس میں جیولن تھرو کے مقابلوں میں پاکستان کے ارشد ندیم نے فائنل راؤنڈ کیلئے کوالیفائی کرلیا۔
پیرس اولمپکس میں جیولن تھرو کے مقابلوں میں گروپ بی میں ارشد ندیم نے 86.59 میٹر کی تھرو کی اور وہ تیسرے نمبر پر رہے جبکہ بھارت کے نیرج چوپڑا نے 89 میٹر کی تھرو کی اور وہ پہلے نمبر پر رہے ، گریناڈا کے اینڈرسن پیٹرز نے 88.63 کی تھرو کی اور وہ گروپ میں دوسری پوزیشن پر رہے۔
ارشد ندیم نے پیرس روانگی سے قبل صحافیوں سے گفتگو کرتے ہوئے کہا کہ میں پوری طرح فٹ اور اچھی طرح سے تیار ہوں، میں پاکستان کے لیے میڈل لانے کی بھرپور کوشش کروں گا۔
یاد رہے کہ پیرس اولمپکس میں مینز جیولین تھرو کا فائنل 8 اگست کو ہوگا۔