فلسطین میں اسرائیل کی ریاستی دہشت گردی کا سلسلہ جاری ہے، اسرائیلی فوج نے غزہ میں محفوظ قرار دیے گئے المواسی کیمپ پر بمباری کی جس کے نتیجے میں 40 فلسطینی شہید اور 60 زخمی ہوگئے ۔
غیر ملکی میڈیا کے مطابق اسرائیل نے خان یونس کے مرکزی جنوبی شہر میں واقع المواسی کیمپ پر بمباری کی جس کے نتیجے میں 40 فلسطینی شہید اور 60 زخمی ہوگئے ۔
عرب میڈیا کے مطابق حملے کے بعد 40 شہدا اور 60 زخمیوں کو قریبی ہسپتالوں میں منتقل کیا گیا۔
7 اکتوبر 2023 کے بعد سے اسرائیلی حملوں میں اب تک شہید فلسطینیوں کی مجموعی تعداد 41 ہزار 20 سے تجاوز کر گئی ہے جن میں بچوں اور خواتین کی بڑی تعداد شامل ہیں۔
غزہ وزارت صحت کے مطابق غزہ میں اسرائیلی حملوں کے باعث زخمیوں کی تعداد 95 ہزار تک پہنچ گئی ہے ۔