ہنوئی (انٹرنیشنل ڈیسک) ویتنام میں طوفان یاگی کے دوران ہلاکتوں کی تعداد 65 ہوگئی۔ خبررساں اداروں کے مطابق طوفان کے باعث عمارتوں کو نقصان پہنچا، درخت اکھڑ گئے اور انفراسٹرکچر تباہ ہوگیا۔ مختلف حادثات میں 750 سے زائد افراد زخمی اور 39 لاپتا ہوگئی۔ زیادہ تر ہلاکتیں مٹی کے تودے گرنے اور سیلاب سے ہوئیں۔ شمالی ویتنام میں ایک پل گر گیا جبکہ کئی گاڑیاں بہ گئیں۔ طوفان کے بعد تقریباً 15 لاکھ افراد بجلی سے محروم ہوگئے۔ متاثرہ علاقوں سے 50ہزار افراد کو محفوظ مقامات پر منتقل کر دیا گیا جبکہ اسکول بند کردیے گئے۔ متاثرہ علاقوں میں امدادی کارروائیوں کے لیے فوج تعینات کر دی گئی ہے۔
