بالی ووڈ کے معروف گلوکار شان کی رہائشی عمارت میں آگ لگنے کا واقعہ پیش آیا ہے، جس کی زد میں آکر ایک 80 سالہ خاتون کو شدید جھلس گئی۔
بھارتی میڈیا کے مطابق متاثرہ خاتون کو ریسکیو کر کے اسپتال منتقل کر دیا گیا ہے تاہم اس کی حالت تشویشناک بتائی جارہی ہے۔ یہ واقعہ ممبئی کے علاقے باندرہ ویسٹ میں واقع فارچیون انکلیو عمارت کی 7 ویں منزل پر پیش آیا۔ گلوکار شان اس عمارت کی 11 ویں منزل پر رہائش پذیر ہیں۔
آگ لگنے کی ممکنہ وجہ شارٹ سرکٹ کو قرار دیا جا رہا ہے، تاہم اس کی تصدیق نہیں ہو سکی جبکہ آگ پر قابو پالیا گیا ہے۔
بھارتی میڈیا کے مطابق گلوکار شان نے اس حادثے پر اپنا بیان دیتے ہوئے کہا ہے کہ ’آگ عمارت کی 7 ویں منزل پر لگی، لیکن میں اور میرے اہل خانہ 15 ویں منزل پر جا کر محفوظ رہے اور ریسکیو عملے کا انتظار کیا۔ ہم سب مکمل طور پر محفوظ ہیں۔‘
واضح رہے کہ فائیر بریگیڈ کی جانب سے بلڈنگ میں کولنگ کا عمل جاری ہے۔