معروف یوٹیوبر رجب بٹ کو اپنی سالگرہ کی تقریب میں ایک ناخوشگوار واقعے کا سامنا کرنا پڑا۔ سالگرہ کی تقریب میں عین کیک کاٹتے ہوئے دھماکا ہوگیا۔
یوٹیوبر رجب بٹ کے ستارے آج کل گردش میں ہیں اور گزشتہ ماہ ان کی شادی کے بعد سے ہی یوٹیوبر کو ایک کے بعد ایک ناخوشگوار واقعے کا سامنا کرنا پڑ رہا ہے۔
گزشتہ روز رجب کی سالگرہ کے موقع پر بھی ایک ایسا ہی ناخوشگوار واقعہ پیش آیا جب اس یادگار دن کیک کاٹتے ہوئے اچانک دھماکا ہوگیا۔ جس میں رجب بٹ کے کچھ دوستوں کو معمولی چوٹیں بھی آئیں۔
رجب بٹ کی ایک ویڈیو سوشل میڈیا پر وائرل ہورہی ہے جس میں دیکھا جاسکتا ہے کہ یوٹیوبر اپنی نئی نویلی دلہن، اہلخانہ اور دوستوں کے ساتھ اپنی سالگرہ منا رہے تھے کہ اچانک کیک کاٹتے ہوئے دھماکا ہوگیا۔
اس ناخوشگوار واقعے کے وقت رجب بٹ ٹک ٹاک پر لائیو تھے اس لیے ان کے تمام مداحوں نے بھی یہ واقعہ لائیو دیکھا۔ دھماکا گیس کے غباروں کے باعث پیش آیا جب رجب کے ایک دوست نے آگ کا لائٹر جلایا تو غبارے میں آگ لگ گئی جس سے زوردار دھماکا ہوا اور آگ بھڑک اٹھی۔