مشہور برطانوی گلوکارہ دعا لیپا نے برطانوی اداکار کالم ٹرنر کی شادی کی پیشکش قبول کرتے ہوئے ان سے منگنی کرلی ہے۔
غیر ملکی میڈیا کے مطابق 34 سالہ کالم ٹرنر نے کرسمس کے موقع پر 29 سالہ دعا لیپا کو پروپوز کیا، جس پر انہوں نے رضامندی ظاہر کر دی۔
دونوں نئے سال کے موقع پر اپنے اہلِ خانہ اور قریبی دوستوں کے لیے ایک تقریب منعقد کرنے کا منصوبہ بنا رہے ہیں جس میں وہ باقاعدہ طور پر شادی کا اعلان کریں گے۔
یاد رہے کہ پچھلے ماہ دعا لیپا کنسرٹ کیلئے بھارت کے دورے پر تھیں جہاں کالم ٹرنر بھی ان کے ساتھ موجود تھے اور انہیں ایک ساتھ سیر سپاٹے کرتے ہوئے ایک ساتھ دیکھا گیا تھا۔
یاد رہے کہ اب سے کچھ دن قبل گلوکارہ اور اداکارہ سیلینا گومز نے بھی منگنی کا اعلان کیا تھا۔