بھارتی گلوکار ہنی سنگھ نے پاکستان کے عالمی شہرت یافتہ گلوکار عاطف اسلم سے ملاقات کی تصویر شیئر کردی۔
ہنی سنگھ نے فوٹو اینڈ ویڈیو شیئرنگ ایپ انسٹاگرام پر عاطف کے ساتھ ملاقات کی تصویر شیئر کرتے ہوئے انہیں اپنا بے حد محبت کرنے والا بھائی قرار دیا ہے۔
اس تصویر میں دونوں موسیقاروں کو خوشگوار موڈ میں دیکھا جا سکتا ہے۔ تصویر کے ساتھ ہنی سنگھ نے کیپشن میں لکھا: ’بے حد محبت کرنے والے بھائی!! مارچ میں پیدا ہونے والے بھائی۔‘ انہوں نے ہیش ٹیگز کا استعمال کرتے ہوئے بھارت، پاکستان، اور موسیقی کے لیے اپنی محبت کا اظہار کیا۔
یہ تصویر مداحوں کے درمیان خوب مقبول ہو رہی ہے، اور دونوں ممالک کے شائقین کی جانب سے مثبت ردعمل دیکھنے کو مل رہا ہے۔
واضح رہے کہ ہنی سنگھ اور عاطف اسلم، دونوں اپنے اپنے ممالک سمیت دنیا بھر میں بے حد مقبول ہیں اور کئی سپر ہٹ گانے دے چکے ہیں جنہیں شائقین آج بھی پسند کرتے ہیں تاہم گزشتہ چند سالوں سے دونوں ممالک کے فنکاروں کے ایک ساتھ کام کرنے پر پابندی ہے۔