امریکی ریاست لاس اینجلس کے قریب جنگلات میں بھڑکنے والی ہول ناک آگ نے ہالی ووڈ کے معروف اداکاروں کی رہائش کے مہنگے علاقے پیسیفک پالیسیڈز کو جلا کر راکھ کردیا۔
امریکی میڈیا کے مطابق یہ آگ منگل کی صبح پیسیفک پالیسیڈز کے رہائشی علاقے میں لگی اور تیز ہواؤں کے باعث سے پھیلتی گئی۔ اس آگ کے نتیجے میں ایک ہزار سے زائد گھر اور کاروباری عمارتیں جل کر ختم ہوگئیں جبکہ نقصانات کا تخمینہ 50 ارب ڈالر سے تجاوز کر گیا ہے۔
ہالی ووڈ کی مشہور شخصیات جان گڈمین سمیت انتھونی ہاپکنز اور مائلز ٹیلر سمیت کئی فنکاروں کے کروڑوں ڈالرز کے مکانات آگ کی لپیٹ میں آکر مکمل طور پر جل کر خاکستر ہوگئے ہیں جس سے انہیں شدید مالی نقصان پہنچا ہے.
اس آگ کی تصاویر میڈیا میں گردش کر رہی ہیں جس سے آگ کی شدت کا اندازہ لگایا جا سکتا ہے۔
رپورٹس کے مطابق رہائشی علاقے کی گلیاں مکمل طور پر مٹ چکی ہیں، ہلاکتوں کی تعداد 5 تک پہنچ چکی ہے، فائر فائٹرز پانی کی کمی اور دیگر مشکلات کے باوجود آگ بجھانے کی کوششوں میں مصروف ہیں۔