لالی ووڈ کی مشہور زمانہ شاہکار فلم ’مولا جٹ‘ کے فلمساز سرور بھٹی انتقال کر گئے۔
قریبی زرائع کے مطابق سرور بھٹی کو الصبح دل کا دورہ پڑا جو جان جان لیوا ثابت ہوا۔ رات سانس لینے کی دشواری کی شکایت پر انہیں اسپتال میں داخل کیا گیا تھا۔
مرحوم کی نماز جنازہ آج بعد از نماز عشاء داتا دربار میں ادا کی جائے گی۔ مرحوم سرور بھٹی کا جنازہ ان کی رہائشگاہ 270 پاک بلاک اقبال ٹاؤن سے اٹھایا جائے گا۔
شوبز انڈسٹری کے فنکاروں کی جانب سے سرور بھٹی کے انتقال پر افسوس کا اظہار کیا جارہا ہے۔
سرور بھٹی کی فلم مولا جٹ 1979 میں ریلیز ہوئی تھی جس بلاک بسٹر ثابت ہوئی اور اب اس کا سیکوئل ’دی لیجنڈ آف دی مولا جٹ‘ بھی بنایا جاچکا ہے۔