وزیراعظم محمد شہباز شریف نے پاکستان اور آسٹریلیا کے درمیان دوطرفہ تجارت اور سرمایہ کاری کو وسعت دینے کی ضرورت پر زور دیا ہے۔اسلام آباد میں آسٹریلیا کے نئے تعینات ہونے والے ہائی کمشنرTim Kane سے گفتگو کرتے ہوئے انہوں نے زراعت اور لائیو سٹاک کے شعبوں میں تعاون بڑھانے کی خواہش کا اظہار کیا۔
وزیراعظم نے کان کنی اور معدنیات کے شعبے میں آسٹریلوی دلچسپی کا بھی خیرمقدم کیا اور ریکوڈک کو پاکستان میں اس شعبے کی بے پناہ صلاحیت کی ایک روشن مثال قرار دیا۔انہوں نے آسٹریلیا میں متحرک پاکستانیوں کی گراں قدر خدمات کو بھی سراہا جنہوں نے دونوں ممالک کے درمیان ایک اہم پل کا کام کیا ہے۔
وزیر اعظم نے کرکٹ کیلئے دونوں اقوام کے مشترکہ جذبے سمیت پاکستان اور آسٹریلیا کے درمیان مضبوط روابط اور ثقافتی رشتوں کی اہمیت پر زور دیا۔شہباز شریف نے سڈنی میں دہشت گردوں کی فائرنگ میں معصوم جانوں کے نقصان پر گہرے رنج و غم کا اظہار کیا۔ انہوں نے کہا کہ پاکستان دہشت گردی کی اس بزدلانہ کارروائی کی شدید مذمت کرتا ہے۔
اشتہار 