اسلام آباد: وفاقی وزیرتوانائی اویس لغاری نے رمضان المبارک کے دوران سحر اور افطار کے اوقات میں بجلی کی بلا تعطل فراہمی یقینی بنانے کا حکم دے دیا ہے۔
انہوں نے پاور ڈویژن کو ہدایت کی ہے کہ زیادہ نقصانات والے علاقوں میں بھی ان اوقات کے دوران لوڈشیڈنگ نہ کی جائے۔
وفاقی وزیر توانائی نے واضح کیا کہ اگر لوڈ مینجمنٹ ضروری ہو تو اسے سحر اور افطار کے علاوہ اوقات میں ایڈجسٹ کیا جائے تاکہ عوام کو اہم اوقات میں کسی قسم کی پریشانی کا سامنا نہ کرنا پڑے۔
دوسری جانب سوئی سدرن گیس کمپنی نے بھی رمضان المبارک کے لیے گیس فراہمی کے شیڈول کا اعلان کر دیا ہے، جس کے مطابق شہریوں کو روزانہ صبح 3 بجے سے رات 10 بج کر 30 منٹ تک گیس فراہم کی جائے گی تاکہ سحر اور افطار کی تیاری میں سہولت میسر ہو۔
