فنکارہ نے اسٹیج پر پرچم زمین پر رکھ کر اسے روندتے ہوئے ’فری فلسطین‘ اور ’پالیستینا لیبرے‘ کے نعرے لگائے۔ ان نعروں کا مطلب فلسطین آزاد ہو ہے۔
کولمبیا کی ریپر نے میوزک فیسٹیول میں اسرائیلی پرچم روند دیا، فلسطین کے حق میں نعرے
بوگوٹا ( اُمت نیوز) کولمبیا کی ریپر شیلو ہوپ نے ہپ ہاپ ال پارکے میوزک فیسٹیول میں پرفارمنس کے اختتام پر اسرائیلی پرچم کو پاؤں تلے روند کر فلسطین کے حق میں نعرے لگائے، جس کی ویڈیو سوشل میڈیا پر وائرل ہوگئی۔
میڈیا رپورٹس کے مطابق فنکارہ نے اسٹیج پر پرچم زمین پر رکھ کر اسے روندتے ہوئے ’فری فلسطین‘ اور ’پالیستینا لیبرے‘ کے نعرے لگائے۔ ان نعروں کا مطلب فلسطین آزاد ہو ہے۔
🚨اج کا مسلمان تو خاموش ہے لیکن غیروں نے ہمارے مسلمان بھائیوں پر مظالم کے خلاف اواز اٹھانا جاری رکھا ہوا ہے۔
کولمبیا کی گلوکارہ شیو ہوپ نے کولمبیا کے شہر بوگوٹا میں اپنی پرفارمنس کے دوران اسرائیلی حکومت کےپرچم کو پاوں تلے روند دیا جسے دنیا نے دیکھا۔ pic.twitter.com/qk5l1lPmvC— Qazi Asif (@QMAAsif) October 26, 2026
پاکستانی صحافی قاضی آصف نے بھی اس واقعے کی ویڈیو سوشل میڈیا پر شیئر کی اور اپنے تبصرے میں کہا کہ مسلمان دنیا کے کئی حصوں میں مظالم کے خلاف آواز اٹھانے کے معاملے میں خاموش ہیں، جبکہ دیگر افراد فلسطینیوں سے اظہارِ یکجہتی کر رہے ہیں۔
یہ واقعہ اسرائیل فلسطین تنازعے کے تناظر میں سامنے آیا ہے، جہاں فلسطینیوں کے حق میں فنکاروں اور عوامی شخصیات کے اظہارِ یکجہتی کے مختلف واقعات پر سوشل میڈیا پر بحث جاری رہتی ہے۔
