ہالی ووڈ اداکارہ این ہیتھوے کے ہاں تیسرے بچے کی پیدائش

ہالی ووڈ کی معروف اداکارہ این ہیتھوے اور ان کے شوہر ایڈم شولمین کے ہاں تیسرے بچے کی پیدائش ہوئی ہے۔ اداکارہ اس سے پہلے دو بیٹوں کی ماں ہیں، جن میں 10 سالہ جوناتھن اور 6 سالہ جیک شامل ہیں۔

دی نیوز انٹرنیشنل کی رپورٹ کے مطابق این ہیتھوے نے حمل کے دوران ایک ٹی وی انٹرویو میں تیسرے بچے کی آمد پر اپنی خوشی کا اظہار کیا تھا۔ ان کا کہنا تھا کہ وہ دوبارہ ماں بننے پر بے حد مسرور ہیں اور خاندان میں نئے فرد کی شمولیت سے ان کی زندگی میں مزید خوشیاں آئیں گی۔

اداکارہ نے انٹرویو میں کہا تھا کہ تیسرے بچے کی پیدائش سے ان کی خاندانی زندگی میں ایک بڑی تبدیلی آئے گی، اس لیے وہ اس نئے مرحلے کے ہر لمحے کو بھرپور انداز میں گزارنا چاہتی ہیں۔

این ہیتھوے نے حال ہی میں اپنی پانچ فلموں کی تشہیری سرگرمیوں میں حصہ لیا تھا۔ اس کے بعد انہوں نے تیسرے بچے کی پیدائش کے موقع پر سوشل میڈیا سے کچھ عرصے کے لیے دور رہنے کا عندیہ بھی دیا تھا۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں